الشورى

حٰم

عٓسٓقٓ

اسی طرح وحی کی جاتی رہی ہے تیری طرف اور تجھ سے پہلوں کی طرف (اللہ کی طرف سے) جو زبردست حکمت والا ہے

اسی (وحدہ لا شریک) کا ہے جو کچھ آسمانوں میں ہے اور جو کچھ زمین میں ہے، اور وہ بلند و برتر ہے

قریب ہے کہ آسمان پھٹ پڑیں اوپر سے (جلال کیوجہ سے) اور فرشتے تسبیح کرتے ہیں تعریف کے ساتھ اپنے رب کی اور استغفار کرتے ہیں ان کیلئے جو زمین میں ہیں، خبردار! بیشک اللہ بہت مغفرت کرنیوالا اور رحیم ہے

اور جن لوگوں نے بنا لیا ہے اس کے علاوہ کو دوست (یعنی کارساز) اللہ ان (کی حرکتوں) پر نگہبان ہے، اور آپ نہیں ہیں ان (کفار اور مشرکین) پر وکیل

اسی طرح ہم نے وحی کی ہے آپ کی طرف قرآن کو عربی میں، تاکہ آپ ڈرائیں مکہ والوں اور اس کے آس پاس والوں کو اور آپ ڈرائیں جمع ہونے کے دن سے جس میں کوئی شک نہیں، ایک فریق جنت میں ہو گا اور ایک فریق جہنم میں

اور اگر اللہ چاہتا تو بنا دیتا ان سب کو ایک ہی امت میں، اور لیکن وہ داخل کرتا ہے جسے چاہتا ہے اپنی رحمت میں، اور ظالموں کا نہ کوئی دوست ہے اور نہ ہی کوئی مددگار

کیا ان (کفار اور مشرکین) نے بنا لئے ہیں اسکے سوا اور معبود، تو (یقینا) اللہ ہی معبود ہے وہی حیات دیتا ہے مُردوں کو اور وہی ہر چیز پر قادر ہے

اور جو تم نے اختلاف کیا ہے اس (دین) کی کسی چیز میں تو اس کا فیصلہ اللہ کے پاس ہے یہ اللہ میرا رب ہے جس پر میں نے توکل کیا، اور اسکی طرف میں رجوع کرتا ہوں

وہ پیدا کرنیوالا ہے آسمانوں اور زمین کا، اسی نے بنائے تمہارے لئے تمہی میں سے جوڑے اور چوپایوں کے جوڑے (بنائے) وہ پھیلا رہا ہے تمہیں اس (زمین) میں، نہیں ہے اسی کی طرح کوئی بھی، اور وہ سننے اور دیکھنے والا ہے

اسی کے پاس ہے کنجیاں آسمانوں اور زمین کی، وہ زیادہ دیتا ہے رزق جسے چاہتا ہے، اور تنگ بھی کرتا ہے، بیشک وہ ہر چیز کو خوب جاننے والا ہے

(اللہ نے) شریعت بنادی تمہارے لئے دین کو، جس کی وصیت کی اس نے نوح کو، اور جس کی وحی کی ہم نے تمہاری طرف، اور جس کی وصیت کی ہم نے ابراہیم اور موسیٰ اور عیسیٰ کو، کہ تم قائم کرو (اس) دین کو، اور تفرقہ نہ ڈالو اس میں، مشکل ہے مشرکین پر (یہ دین) جس کی طرف آپ بلا رہے ہیں انہیں اللہ چن لیتا ہے اپنی طرف جسے وہ چاہتا ہے، اور ہدایت اسی کو دیتا ہے اپنی طرف جو رجوع کرتا ہے

اور ان لوگوں نے تفرقہ کیا بعد اس کے کہ آچکا ان کے پاس علم آپسی ضد میں، اور اگر (قیامت کی) بات طے نہ ہوتی آپ کے رب کی طرف سے ایک وقت مقرر تک (تو) یقیناً فیصلہ ہو جاتا ان کے درمیان اور بیشک جو وارث بنے اہل کتاب اپنے پہلے (اہل کتاب) کے بعد وہ بھی شک ہی شک میں ہیں اس (قرآن) میں

تو اس (قرآن) کی طرف تم بلاؤ اور جمے رہو جیسا کہ تم کو حکم دیا گیا ہے، اور اتباع نہ کرو ان کی خواہشوں کی اور کہو میں ایمان لایا اس کتاب پر جو اللہ نے نازل کی، اور مجھے حکم دیا گیا ہے کہ میں انصاف کروں تمہارے درمیان، اللہ ہمارا اور تمہارا رب ہے، ہمارے اعمال ہمارے اور تمہارے تمہارے لئے ہیں، کوئی حجت نہیں ہمارے اور تمہارے درمیان، اللہ جمع کرے گا ہم کو، اور اسی کی طرف لوٹنا ہے

اور جو حجت کرتے ہیں اللہ (کی باتوں) میں بعد اس کے کہ قبول کر لی ہیں انہیں (مسلمانوں نے) ان کی حجت باطل ہے ان کے رب کے نزدیک، اور ان پر غضب ہے اور ان کے لئے سخت عذاب ہے

اللہ ہی ہے جس نے نازل کی ہے کتاب حق کے ساتھ اور میزان (یعنی انصاف) اور آپ کو کیا معلوم شاید قیامت قریب ہی ہو؟

وہ جلدی کر رہے ہیں اس (قیامت) کے بارے میں جو ایمان نہیں رکھتے اس پر، اور جو ایمان رکھتے ہیں وہ تو اس سے ڈرتے ہیں، اور وہ جانتے ہیں کہ بیشک وہ برحق ہے، خبردار! بیشک جو جھگڑ رہے ہیں قیامت کے بارے میں بیشک وہ دور کی گمراہی میں ہیں

اللہ لطیف (یعنی مہربان) ہے اپنے بندوں پر وہ رزق دیتا ہے جسے چاہتا ہے، اور وہ زبردست قوت والا ہے

جس کا ارادہ آخرت کی کھیتی ہو، ہم زیادہ دیتے ہیں اسے اس کی کھیتی میں اور جس کا ارادہ (صرف) دنیا کی کھیتی کا ہو، تو ہم عطا کرتے ہیں اسے اسی سے، اور ایسے شخص کا آخرت میں کوئی حصہ نہیں

کیا ان کے شرکاء نے شریعت بنائی ہیں ان کے لئے دین میں جس کی اجازت اللہ نے نہیں دی ہے، اور اگر فیصلے کی بات (قیامت) طے نہ ہوتی، تو فیصلہ کر دیا جاتا ان کے درمیان اور بیشک ظالموں کے لئے ہی دردناک عذاب ہے

آپ دیکھیں گے ظالموں کو ڈرتے ہوئے جیسا انہوں نے کمایا وہ واقع ہونے والا ہے ان پر، اور جو لوگ ایمان لائے اور نیک عمل کئے وہ جنت کے باغات میں ہوں گے، ان کے لئے وہ ہو گا جو وہ چاہیں گے اپنے رب کے پاس یہی بہت بڑا فضل ہے

یہی وہ (جنت کا وعدہ) ہے جسکی بشارت دیتا ہے اللہ اپنے ان بندوں کو جو ایمان لائے اور عمل کئے نیک (تو) کہہ دیجئے! میں نہیں سوال کرتا تم سے اس پر کسی اجر کا، مگر رشتے کی محبت (کا ہی لحاظ کرو) جو شخص کرے گا کوئی نیکی تو ہم زیادہ کردیں گے اس کیلئے اس (کام) میں نیکی، بیشک اللہ مغفرت کرنیوالا قدر دان ہے

کیا یہ کہتے ہیں کہ (آپ نے) گھڑ لیا ہے اللہ پر جھوٹ، تو اگر چاہے اللہ تو مہر لگادے آپ کے دل پر (اگر گھڑتے تو) اور اللہ مٹاتا ہے باطل کو اور حق کو حق ثابت کرتا ہے اپنے کلمے سے، بیشک وہ جاننے والا ہے سینے کی باتوں کو

اور وہی (اللہ) ہے جو توبہ قبول فرماتا ہے اپنے بندوں کی، اور معاف فرماتا ہے گناہوں کو، اور وہ جانتا ہے جو کچھ تم کر رہے ہو

اور وہ قبول کرتا ہے دعائیں ایمان والوں اور نیک عمل کرنیوالوں کی، اور زیادہ کردیتا ہے انہیں اپنے فضل سے، اور (جو) کفار ہیں ان کیلئے سخت عذاب ہے

اور اگر زیادہ کردے اللہ اپنے (تمام) بندوں کی روزی کو، تو یقیناً وہ بغاوت کر دیں زمین میں، اور لیکن اللہ نازل کرتا ہے بقدر ضرورت جسے چاہتا ہے، بیشک وہ اپنے بندوں سے باخبر اور دیکھ رہا ہے

اور وہی ہے جو نازل کرتا ہے بارش لوگوں کے ناامید ہو جانے کے بعد اور پھیلا دیتا ہے اپنی رحمت، اور وہ قابل تعریف دوست ہے

اور اس کی نشانیوں میں سے پیدائش ہے آسمانوں اور زمین کی اور اسی نے پھیلایا ہے ان دونوں میں (یعنی آسمانوں اور زمینوں میں) جاندار کو، اور وہ اسکے جمع کرنے پر جب چاہے قادر ہے

اور جو پہونچتی ہے تمہیں مصیبت تو وہ تمہارے ہاتھوں کی کمائی ہے، اور وہ بہت سی باتوں کو (اپنی رحمت سے) معاف فرما دیتا ہے

اور تم عاجز نہیں کر سکتے (اللہ کو) زمین میں، اور نہیں ہے تمہارے لئے اللہ کے علاوہ کوئی کارساز، اور نہ ہی مددگار

اور اس کی نشانیوں میں سے کشتیاں (چلتی) ہیں دریا میں پہاڑوں کی طرح

اگر وہ چاہے تو روک دے ہوا کو تو وہ (کشتیاں) ہو جائیں کھڑی ان (دریاؤں) کی پیٹھ پر، بیشک اسمیں نشانیاں ہیں ہر صبر اور شکر کرنیوالے کیلئے

یا وہ تباہ کردے انہیں جیسا انہوں نے کمایا اور وہ معاف کرتا ہے بہت سے (گناہ) کو

اور جان لیں وہ جو جھگڑتے ہیں ہماری نشانیوں میں کہ نہیں ہے ان کیلئے کوئی پناہ

تو جو چیزیں تمہیں عطا کی گئی ہیں وہ (تھوڑا) سامان ہے حیات دنیا کا، اور جو اللہ کے پاس ہے وہ بہتر اور باقی رہنے والا ہے ان لوگوں کیلئے جو ایمان لائے ہیں اور اپنے رب پر ہی توکل کرتے ہیں

اور جو اجتناب کرتے (یعنی بچتے) ہیں کبیرہ گناہوں سے اور بے حیائیوں سے، اور جب کبھی وہ غصہ کرتے ہیں تو معاف کر دیتے ہیں

اور یہی ہیں وہ جو قبول کرتے ہیں اپنے رب کو اور نماز قائم کرتے ہیں، اور اپنے معاملے میں مشورہ کرتے ہیں آپس میں، اور جو کچھ ہم نے رزق دیا ہے انہیں اس میں سے خرچ کرتے ہیں

اور جب پہونچتی ہے ان پر زیادتی تو وہ بدلہ لیتے ہیں

اور بدلہ برائی کا اسی جیسی برائی سے (لیتے ہیں) اور جو معاف کرے اور اصلاح کرے تو اس کا اجر اللہ پر ہے، بیشک اللہ محبت نہیں کرتا ظالموں سے

اور جو بدلہ لے اپنے اوپر ظلم ہونے کے بعد، تو یہ وہ ہیں جن پر کوئی راستہ (یعنی گناہ) نہیں

بے شک راستہ (یعنی گناہ) تو ان پر ہے جو ظلم کریں لوگوں پر، اور بغاوت (و فساد) کریں زمین میں ناحق، یہی وہ لوگ ہیں جن کیلئے (اللہ کی طرف سے) دردناک عذاب ہے

اور جو صبر کرے اور معاف کردے (تو) بیشک یہ یقیناً ہمت کے کام ہیں

اور جسے اللہ گمراہ کردے تو نہیں ہے اس کے لئے کوئی دوست اس کے بعد، اور تم دیکھو گے ظالموں کو جب وہ عذاب کو دیکھ لیں گے تو کہیں گے کہ کیا (اب دنیا میں) لوٹنے کا کوئی راستہ ہے

اور تم دیکھو گے انہیں جب وہ پیش کئے جائیں گے اس (جہنم) پر، ڈر رہے ہوں گے ذلت سے اور دیکھیں گے چھپی نظروں سے، اور کہیں گے ایمان والے بیشک خسارے میں وہی ہے جنہوں نے خسارے میں رکھا اپنے آپ کو اور اپنے گھرانے کو (آج) قیامت کے دن، خبردار! بیشک ظالم ہمیشہ کے عذاب میں رہیں گے

اور نہ ہو گا ان کے لئے (قیامت کے دن) کوئی مددگار جو مدد کرے ان کی اللہ کے علاوہ اور جسے اللہ گمراہ کردے اس کے لئے کوئی راستہ نہیں

(اے لوگو!) قبول کرو اپنے رب (کے احکام) کو اس سے پہلے کہ آجائے وہ دن جو نہ ہور د اس کے لیے اللہ کی طرف سے، نہ ہو گی تمہارے لئے کوئی پناہ اس دن اور نہ تم انکار کرسکو گے (قیامت کے دن)

تو اگر یہ (کفار) اعراض کریں تو نہیں بھیجا ہم نے آپ کو ان پر محافظ بنا کر، آپ کے ذمہ تو صرف (پیغام) پہونچانا ہے، اور جب ہم مزہ چکھاتے ہیں انسان کو اپنی رحمت کا تو وہ خوش ہو جاتا ہے اس سے، اور اگر پہونچتی ہے انہیں مصیبت انکے اعمال کیوجہ سے تو بیشک انسان بڑا ہی ناشکرا ہو جاتا ہے

اللہ ہی کی بادشاہت ہے آسمانوں کی اور زمین کی وہ پیدا کرتا ہے جو چاہتا ہے (اور) وہ عطا کرتا ہے جس کو چاہتا ہے بیٹیاں، اور عطا کرتا ہے جسے چاہتا ہے بیٹے

یا جوڑا دیتا ہے انہیں بیٹے بھی اور بیٹیاں بھی، اور (مصلحت کے مدنظر) بنا دیتا ہے جسے چاہتا ہے بانجھ، بیشک وہ بہت جاننے والا بہت قدرت والا ہے

اور ممکن نہیں کسی بشر کیلئے کہ اللہ اس سے کلام کرے مگر وحی کے ذریعے یا پردے کے پیچھے سے، یا بھیجے کسی فرشتے کو اور وہ (فرشتہ) وحی کرے اسکے حکم سے جو اللہ چاہے، بیشک وہ اعلیٰ اور حکمت والا ہے

اور اسی طرح ہم نے وحی کی آپکی طرف روح (یعنی قرآن) کو اپنے حکم سے آپ نہیں جانتے تھے کہ کتاب اور ایمان کیا ہے؟ اور لیکن ہم نے بنایا ہے اس (قرآن) کو نور، ہم ہدایت دیتے ہیں اس (نور) کے ذریعے جسے ہم چاہتے ہیں اپنے بندوں میں سے، اور بیشک آپ یقیناً راہ دکھاتے ہیں سیدھے راستے کی

اللہ کے راستے کی، اسی (اللہ) کیلئے ہے جو کچھ بھی ہے آسمانوں اور جو کچھ ہے زمین میں، خبردار! اللہ ہی کی طرف تمام امور لوٹتے ہیں