ص

ص! قسم اس قرآن کی جو نصیحت والا ہے

بلکہ کافر اپنی (جھوٹی) عزت اور ضد میں پڑے ہوئے ہیں

کتنی ہی ہم نے ہلاک کیا ہے ان سے پہلے امتوں کو تو انہوں نے پکارا اور نہ تھا وہ وقت چھٹکارے کا

اور ان (کافروں) کو تعجب ہوا کہ آیا ان کے پاس ایک ڈرانیوالا ان ہی میں سے، اور کہنے لگے کافر یہ تو جادوگر اور جھوٹا ہے

کیا بنا دیا ہے اس (نبی) نے سارے معبودوں کا ایک معبود؟ بیشک یہ چیز عجیب ہے

اور چل پڑے ان (کفار مکہ) کے سردار (یہ کہتے ہوئے) کہ چلو اور جم جاؤ اپنے معبودوں پر، بیشک اس بات میں (نبی کا) کوئی ارادہ ہے (اپنی سرداری کا)

نہیں سنا ہم نے یہ (کہ ایک خدا کی عبادت کرو) پچھلی ملت میں، یہ گھڑی ہوئی بات ہے

کیا اس پر نازل کی گئی ہے نصیحت (یعنی وحی) ہمارے درمیان، بلکہ وہ شک میں ہیں میری نصیحت میں، بلکہ (ابھی) انہوں نے نہیں چکھا ہے میرے عذاب کا مزہ

کیا ان (کفار مکہ) کے پاس رحمت کے خزانے ہیں تیرے زبردست عطا کرنیوالے رب کے

کیا ان کی بادشاہت ہے آسمانوں و زمین کی اور ان دونوں کے درمیان کی، تو انہیں چاہئے کہ چڑھ جائیں اسباب (یعنی رسیوں) کے ذریعے (آسمان میں)

یہ ایک فوج ہے یہاں ہاری ہوئی جماعت میں سے

جھٹلایا تھا ان سے پہلے قوم نوح اور عاد اور فرعون میخوں (خیموں کی کھونٹیوں) والے نے

اور ثمود نے اور قوم لوط نے اور اصحاب اَیکہ (یعنی شعیب کی قوم) نے، یہ لوگ بڑی جماعت کے تھے

ان تمام نے جھٹلایا رسولوں کو، تو حق (یعنی واقع) ہوا میرا عذاب

اور انتظار کر رہے ہیں یہ ایک چنگھاڑ کا، نہ ہو گی اس میں کوئی ڈھیل

اور کہا (نضر بن حارث وغیرہ کفار نے) اے ہمارے رب! جلد دے دے ہمیں ہمارا حصہ حساب کے دن سے پہلے

صبر کریں آپ اس پر جو وہ کہتے ہیں، اور یاد کریں ہمارے بندے داؤد کو جو قوت والا تھا بیشک وہ رجوع کرنے والا تھا

بیشک ہم نے مسخر کر دیا تھا پہاڑوں کو اس کے ساتھ، تسبیح کرتے تھے (پہاڑ بھی) شام اور صبح

اور پرندے جمع ہو کر سب اسی (خدا) کیلئے رجوع کرتے تھے

اور ہم نے مضبوط کر دیا تھا اس کی سلطنت کو، اور ہم نے عطا کی تھیں اسے حکمت، اور بیان کی صلاحیت

اور کیا پہونچی ہے تم کو جھگڑنے والوں کی خبر؟ جب وہ کود آئے تھے محراب میں

جب وہ داخل ہوئے داؤد کے پاس، تو گھبرا گئے ان سے، انہوں نے کہا خوف نہ کیجئے! ہم دو جھگڑنے والوں نے زیادتی کی ہے ایک دوسرے پر، تو آپ فیصلہ کیجئے ہمارے درمیان حق کے ساتھ، اور ناانصافی نہ کیجئے، اور ہماری رہنمائی کیجیے سیدھی راہ کی طرف

یہ میرا بھائی ہے اس کے پاس ننانوے دنبیاں ہیں، اور میرے پاس ایک ہی دنبی ہے، لیکن یہ کہتا ہے کفیل بنا دے مجھے اس کا بھی اور دباتا ہے مجھے خطاب (یعنی بات) میں

آپ نے فرمایا! یقینا اس نے ظلم کیا تجھ پر سوال کر کے تیری ایک دنبی کا اپنی دنبیوں میں ملا لینے کیلئے، اور اکثر حصے دار اس طرح کی زیادتی کرتے ہیں ایک دوسرے پر، سوائے ان کے جو ایمان لائے اور جنہوں نے نیک عمل کئے، اور کم ہی ہیں ایسے لوگ اور یقین ہو گیا داؤد کو کہ ہم نے آزمایا ہے اسے، تو استغفار کرنے لگے اپنے رب سے اور گر گئے سجدے میں اور رجوع کر لیا

تو ہم نے معاف کر دیا اسے اس پے، اور بیشک اس کا ہمارے نزدیک ایک مرتبہ ہے اور بہتر ٹھکانہ ہے

اے داؤد! بیشک ہم نے بنایا ہے تمہیں خلیفہ زمین میں، تو تم فیصلہ کرو لوگوں کے درمیان حق (یعنی انصاف) کے ساتھ، اور اپنی نفسانی خواہش کی پیروی نہ کرو، ورنہ وہ (خواہش) گمراہ دے گی تمہیں اللہ کی راہ سے، بیشک جو گمراہ ہوتے ہیں اللہ کی راہ سے ان کے لئے سخت عذاب ہے اس لئے کہ انہوں نے بھلا دیا ہے حساب کے دن کو

اور نہیں پیدا کیا ہم نے آسمان و زمین اور ان کے درمیان کی چیزوں کو باطل (یعنی ناحق) یہ گمان تو ان لوگوں کا ہے جو کافر ہیں، تو تباہی ہو گی کافروں کے لئے آگ سے

کیا ہم بنا دیں ان لوگوں کو جو ایمان لائے اور نیک عمل کیے زمین میں فساد کرنے والوں کی طرح، یا ہم بنا دیں متقیوں کو فجار (یعنی گناہگاروں) کی طرح؟

یہ کتاب (قرآن) ہم نے نازل کی ہے آپ کی طرف مبارک ہے، تاکہ لوگ غور و فکر کریں اسکی آیتوں پر اور نصیحت حاصل کریں عقلمند

اور ہم نے عطا کیا داؤد کو سلیمان کیا ہی بہتر بندہ تھا اور بیشک وہ رجوع کرنیوالا تھا

جب پیش کئے گئے ان کے سامنے شام کے وقت جید (یعنی عمدہ قسم کے) گھوڑے

تو کہنے لگے میں نے محبوب رکھا مال کی محبت کو اپنے رب کی یاد پر یہاں تک کہ چھپ گیا (سورج) پردے میں

لوٹاؤ ان (گھوڑوں) کو میرے سامنے، تو لگے پھیرنے پنڈلیوں اور گردنوں پر (ہاتھ)

اور یقینا ہم نے آزمایا سلیمان کو، اور ہم نے ڈال دیا ان کی کرسی پر ایک جسم، پھر اس نے رجوع کر لیا

کہا کہ اے میرے رب! مجھے بخش دے اور عطا فرما مجھے ایسا ملک جو ممکن نہ ہو کسی کیلئے میرے بعد، بیشک تو ہی عطا کرنے والا ہے

تو ہم نے مسخر کر دیا ان کے لئے ہوا کو، وہ چلتی تھی اس کے حکم سے نرمی سے جہاں وہ پہنچنا چاہتے

اور شیاطین میں بہت سے کاریگر اور غوطہ خور تھے

اور دوسرے (شیاطین) جکڑے بھی رہتے تھے زنجیروں میں

یہ ہماری عطا ہے تو تم احسان کرو (کسی کو دے کر) یا روک رکھو، کچھ حساب نہیں

اور بیشک وہ ہمارے نزدیک مرتبے والے ہیں اور بہتر ٹھکانہ ہے

اور ذکر کرو ہمارے بندے ایوب کا، جبکہ اس نے پکارا اپنے رب کو کہ پہونچایا ہے مجھے شیطان نے تکلیف اور عذاب

رگڑو اپنا پیر (تو نکلے گا پانی) یہ غسل کیلئے ٹھنڈا اور پینے کا پانی بھی ہو گا

اور ہم نے عطا فرمایا اسے اس کا گھرانا اور اتنا ہی اور بھی اس کے ساتھ اپنی رحمت سے، اور نصیحت ہے عقلمندوں کے لئے

اور مارو اپنے ہاتھ سے ایک مٹھا (جھاڑو) لے کر اور حانث نہ ہو (یعنی قسم نہ توڑو) بیشک ہم نے پایا اس (ایوب) کو صابر، وہ کیا ہی بہتر بندہ تھا بیشک وہ رجوع کرنیوالا تھا

اور ذکر کرو ہمارے بندے ابراہیم، اور اسحاق، اور یعقوب کا جو ہاتھوں (یعنی قوت) اور آنکھوں (یعنی سمجھ) والے تھے

بیشک ہم نے خاص کر لیا تھا انہیں آخرت کے گھر کی یاد کے لئے

اور بیشک یہ سب (انبیاء) ہمارے نزدیک چنے ہوئے بہترین لوگ تھے

اور ذکر کرو اسماعیل اور یسع اور ذو الکفل کا، اور یہ سب (انبیاء) بہترین لوگ تھے

یہ نصیحت ہے اور بیشک متقیوں کیلئے بہتر ٹھکانہ ہے

ہمیشہ کی جنت میں ان کیلئے دروازے کھلے ہوئے ہیں

ٹیک لگائے ہوں گے اس میں طلب کریں گے اس میں بہت سے میوے اور شراب

اور ان کے پاس ہوں گی نیچی نظروں والی ہم عمر (حوریں)

یہ ہے وہ وعدہ جو تم سے کیا گیا تھا (یہ ملے گا) حساب کے دن

بیشک یہ ہماری وہ روزی ہے جسکے لئے خاتمہ نہیں (ہمیشہ رہے گی)

یہ ہے (انعام) اور بیشک سرکشوں کیلئے برا ٹھکانہ

جہنم ہے وہ داخل ہوں گے اس میں، تو کیا ہی برا بچھونا ہے

یہ ہے (عذاب) تو وہ مزہ چکھیں گے اس میں گرم پانی اور پیپ کا

اور اس کے علاوہ اسی شکل کا اور بھی (عذاب)

یہ (کافروں کی) فوج ہے جائے گی تمہارے ساتھ (آگ میں) کوئی مرحبا (خوش آمدید) نہیں یہ داخل ہوں گے آگ میں

وہ کہیں گے (اپنے سرغنہ سے) تمہار ابھی کوئی مرحبا نہیں (یہاں) تم ہم سے آگے رہے (گمراہی میں) اور بری جگہ میں

کہیں گے (ماننے والے) اے ہمارے رب! یہ جو مقدم (یعنی آگے) ہوا ہم سے (گمراہی میں) تو زیادہ کر ان کا عذاب دگنا آگ میں

اور کہیں گے (جہنمی) ہمیں کیا ہوا ہم نہیں دیکھ رہے ہیں ان لوگوں کو جنہیں ہم شمار کرتے تھے شریر

ہم نے تو ان (غریبوں) کا مذاق اڑایا تھا (دنیا میں) یا ہماری آنکھیں بہک رہی ہیں

بیشک یہ حقیقی بات ہے کہ آپس میں جھگڑیں گے اہل دوزخ

کہہ دو میں تو ڈرانیوالا ہوں اور اللہ کے سوا کوئی معبود نہیں وہ اکیلا اور زبردست ہے

(وہ) رب ہے آسمانوں اور زمین کا اور ان دونوں کے درمیان کا، وہ زبردست مغفرت کرنیوالا ہے

کہہ دو یہ (دوزخ) بہت بڑی خبر ہے

تم اس سے اعراض کر رہے ہو

نہیں ہے مجھ کو کوئی علم ملاء اعلی (یعنی فرشتوں) کا جب وہ جھگڑ رہے تھے (آدم کی پیدائش میں)

مجھے وحی کی گئی ہے کہ میں تو صرف کھلا ڈرانیوالا ہوں

جب کہا آپ کے رب نے فرشتوں سے کہ میں پیدا کرنے والا ہوں انسان کو مٹی سے

تو جب میں درست کر دوں اسے، اور پھونک دوں اس میں اپنی روح تو تم واقع ہو جانا (یعنی گر پڑنا) اس کیلئے سجدے میں

تو سجدہ کیا تمام فرشتوں نے

سوائے ابلیس کے، اس نے تکبر کیا اور ہو گیا کافروں میں سے

فرمایا اے ابلیس! کس چیز نے منع کیا تجھے سجدہ کرنے سے، جسے میں نے پیدا کیا اپنے ہاتھوں سے، کیا تو نے تکبر کیا؟ یا تو اعلی مرتبہ ہو گیا ہے؟

کہا میں بہتر ہوں اس (آدم) سے، تو نے پیدا کیا مجھے آگ سے، اور تو نے پیدا کیا اسے مٹی سے

فرمایا تو نکل جا یہاں سے بیشک تو مردود ہے

اور بیشک تجھ پر میری لعنت ہے قیامت کے دن تک

کہنے لگا اے میرے رب! تو مہلت دے مجھے اٹھائے جانیوالے دن (قیامت) تک

فرمایا تجھے مہلت دی گئی

وقت معلوم کے دن (قیامت) تک

کہنے لگا تو تیری عزت کی قسم! یقینا میں بہکاؤں گا ان سب کو (دنیا میں)

سوائے تیرے مخلص بندوں کے

فرمایا یہ سچ ہے، اور میں بھی سچ ہی کہتا ہوں

(کہ) میں ضرور بھر دوں گا جہنم کو تجھ سے اور جو تیری اتباع کرے گا ان سے

کہہ دیجئے! کہ میں نہیں سوال کرتا تم سے اس پر کسی اجر کا اور نہ میں تکلف کرنیوالوں میں سے ہوں

یہ (قرآن) نصیحت ہے تمام جہان کیلئے

اور یقینا تم جان لو گے اس خبر (کی حقیقت) کو کچھ مدت بعد