سَبَّحَ لِلّٰهِ مَا فِى السَّمٰوٰتِ وَمَا فِى الۡاَرۡضِۚ وَهُوَ الۡعَزِيۡزُ الۡحَكِيۡمُ
اللہ کی تسبیح بیان کرتے ہیں (وہ سب ہی) جو کچھ بھی ہے آسمانوں میں اور زمین میں، اور وہ زبردست حکمت والا ہے
يٰۤاَيُّهَا الَّذِيۡنَ اٰمَنُوۡا لِمَ تَقُوۡلُوۡنَ مَا لَا تَفۡعَلُوۡنَ
اے ایمان والو! تم کیوں کہتے ہو (وعدہ خلافی کی وہ بات) جو کرتے نہیں
كَبُرَ مَقۡتًا عِنۡدَ اللّٰهِ اَنۡ تَقُوۡلُوۡا مَا لَا تَفۡعَلُوۡنَ
بہت ناپسندیدہ ہے اللہ کے نزدیک (وہ بات) جو تم کہتے ہو وہ کرتے نہیں
اِنَّ اللّٰهَ يُحِبُّ الَّذِيۡنَ يُقَاتِلُوۡنَ فِىۡ سَبِيۡلِهٖ صَفًّا كَاَنَّهُمۡ بُنۡيَانٌ مَّرۡصُوۡصٌ
بیشک اللہ محبت کرتا ہے ان لوگوں سے جو قتال کرتے ہیں اس کے راستے میں صف بصف، گویا کہ وہ دیوار ہوں سیسہ پلائی ہوئی
وَاِذۡ قَالَ مُوۡسٰى لِقَوۡمِهٖ يٰقَوۡمِ لِمَ تُؤۡذُوۡنَنِىۡ وَقَد تَّعۡلَمُوۡنَ اَنِّىۡ رَسُوۡلُ اللّٰهِ اِلَيۡكُمۡؕ فَلَمَّا زَاغُوۡۤا اَزَاغَ اللّٰهُ قُلُوۡبَهُمۡؕ وَاللّٰهُ لَا يَهۡدِى الۡقَوۡمَ الۡفٰسِقِيۡنَ
اور (یاد کرو) جب کہا موسیٰ نے اپنی قوم سے اے میری قوم! کیوں اذیت دیتے ہو تم مجھے اور یقیناً تم جانتے ہو کہ میں اللہ کا رسول ہوں تمہاری طرف، تو جب وہ ٹیڑھے ہو گئے تو اللہ نے ٹیڑھا کر دیا ان کے دلوں کو اور اللہ ہدایت نہیں دیتا فاسق قوم کو
وَاِذۡ قَالَ عِيۡسَى ابۡنُ مَرۡيَمَ يٰبَنِىۡۤ اِسۡرَآءِيۡلَ اِنِّىۡ رَسُوۡلُ اللّٰهِ اِلَيۡكُمۡ مُّصَدِّقًا لِّمَا بَيۡنَ يَدَىَّ مِنَ التَّوۡرٰٮةِ وَمُبَشِّرًۢا بِرَسُوۡلٍ يَّاۡتِىۡ مِنۡۢ بَعۡدِى اسۡمُهٗۤ اَحۡمَدُؕ فَلَمَّا جَآءَهُمۡ بِالۡبَيِّنٰتِ قَالُوۡا هٰذَا سِحۡرٌ مُّبِيۡنٌ
اور جب کہا عیسیٰ ابن مریم نے اے بنی اسرائیل! بے شک میں رسول ہوں اللہ کا تمہاری طرف (اور اللہ کی جانب سے) میں تصدیق کرنیوالا ہوں مجھ سے پہلے کی کتاب تورات کی، اور بشارت دیتا ہوں ایک رسول کی جو آئے گا میرے بعد اسکا نام احمد ہو گا، تو جب وہ (نبیؐ) لے کر آئے ان کے پاس کھلی دلیلیں، تو وہ کہنے لگے یہ تو کھلا جادو ہے
وَمَنۡ اَظۡلَمُ مِمَّنِ افۡتَـرٰى عَلَى اللّٰهِ الۡكَذِبَ وَهُوَ يُدۡعٰٓى اِلَى الۡاِسۡلَامِ ؕ وَاللّٰهُ لَا يَهۡدِى الۡقَوۡمَ الظّٰلِمِيۡنَ
اور اس سے بڑا ظالم کون ہو گا؟ جو جھوٹ باندھے اللہ پر، اور جبکہ ان (کفار مکہ) کو بلایا جاتا ہے اسلام کی طرف، اور اللہ (ایسے) ظالم لوگوں کو ہدایت نہیں دیتا
يُرِيۡدُوۡنَ لِيُطۡفِــُٔـوۡا نُوۡرَ اللّٰهِ بِاَ فۡوَاهِهِمْ وَاللّٰهُ مُتِمُّ نُوۡرِهٖ وَلَوۡ كَرِهَ الۡكٰفِرُوۡنَ
وہ چاہتے ہیں کہ بجھا دیں اللہ کے نور (یعنی دین) کو اپنے منہ سے، اور اللہ مکمل کرنیوالا ہے اپنے نور کو، اگرچہ ناپسند ہو کافروں کو
هُوَ الَّذِىۡۤ اَرۡسَلَ رَسُوۡلَهٗ بِالۡهُدٰى وَدِيۡنِ الۡحَـقِّ لِيُظۡهِرَهٗ عَلَى الدِّيۡنِ كُلِّهٖ وَلَوۡ كَرِهَ الۡمُشۡرِكُوۡنَ
وہی ہے جس نے بھیجا ہے اپنے رسول کو ہدایت اور سچا دین دے کر، تاکہ وہ ظاہر (یعنی غالب) کرے اسے تمام دینوں پر، اور اگرچہ ناپسند ہو مشرکوں کو
يٰۤاَيُّهَا الَّذِيۡنَ اٰمَنُوۡا هَلۡ اَدُلُّكُمۡ عَلٰى تِجَارَةٍ تُنۡجِيۡكُمۡ مِّنۡ عَذَابٍ اَلِيۡمٍ
اے وہ لوگ جو ایمان لے آئے ہو، کیا میں بتاؤں تمہیں وہ تجارت، جو نجات دے تمہیں دردناک عذاب سے
تُؤۡمِنُوۡنَ بِاللّٰهِ وَرَسُوۡلِهٖ وَتُجَاهِدُوۡنَ فِىۡ سَبِيۡلِ اللّٰهِ بِاَمۡوَالِكُمۡ وَاَنۡفُسِكُمۡؕ ذٰلِكُمۡ خَيۡرٌ لَّـكُمۡ اِنۡ كُنۡتُمۡ تَعۡلَمُوۡنَۙ
(وہ یہ ہے کہ) تم ایمان لاؤ اللہ پر اور اس کے رسول پر، اور تم جہاد کرو اللہ کے راستے میں اپنے مالوں اور اپنی جانوں سے، یہ بہتر ہے تمہارے لئے اگر تم جانو
يَغۡفِرۡ لَـكُمۡ ذُنُوۡبَكُمۡ وَيُدۡخِلۡكُمۡ جَنّٰتٍ تَجۡرِىۡ مِنۡ تَحۡتِهَا الۡاَنۡهٰرُ وَمَسٰكِنَ طَيِّبَةً فِىۡ جَنّٰتِ عَدۡنٍؕ ذٰلِكَ الۡفَوۡزُ الۡعَظِيۡمُۙ
(اللہ رب العزت) معاف فرما دے گا تمہارے گناہوں کو، اور داخل کرے گا تمہیں ان جنتوں میں جن کے نیچے نہریں جاری ہیں، اور پاکیزہ رہنے کی جگہ جنت عدن میں (یقیناً تمہارے لئے) یہ بہت بڑی کامیابی ہے
وَاُخۡرٰى تُحِبُّوۡنَهَا ؕ نَصۡرٌ مِّنَ اللّٰهِ وَفَـتۡحٌ قَرِيۡبٌ ؕ وَبَشِّرِ الۡمُؤۡمِنِيۡنَ
اور دوسری (وہ نعمت) جسے تم چاہتے ہو، وہ اللہ کی مدد، اور قریبی فتح (فتح مکہ) ہے اور بشارت دو مؤمنوں کو
يٰۤاَيُّهَا الَّذِيۡنَ اٰمَنُوۡا كُوۡنُوۡۤا اَنۡصَارَ اللّٰهِ كَمَا قَالَ عِيۡسَى ابۡنُ مَرۡيَمَ لِلۡحَوٰارِيّٖنَ مَنۡ اَنۡصَارِىۡۤ اِلَى اللّٰهِؕ قَالَ الۡحَـوٰرِيُّوۡنَ نَحۡنُ اَنۡصَارُ اللّٰهِ فَاٰمَنَتۡ طَّآٮِٕفَةٌ مِّنۡۢ بَنِىۡۤ اِسۡرَآءِيۡلَ وَكَفَرَتۡ طَّآٮِٕفَةٌ ۚ فَاَيَّدۡنَا الَّذِيۡنَ اٰمَنُوۡا عَلٰى عَدُوِّهِمۡ فَاَصۡبَحُوۡا ظٰهِرِيۡنَ
اے ایمان والو! تم ہو جاؤ اللہ کے مددگار، جس طرح کہا عیسیٰ ابن مریم نے حواریوں (یعنی اپنے شاگردوں) سے (کہ) کون میری مدد کرے گا اللہ کیلئے؟ حواریوں نے کہا ہم اللہ کے مددگار ہیں، تو ایمان لائی ایک جماعت بنی اسرائیل میں سے، اور انکار کیا ایک جماعت نے، تو ہم نے مدد کی مؤمنوں کی ان کے دشمنوں پر، تو وہ (مؤمن) ہو گئے غالب