الزخرف

حم

قسم ہے اس واضح کتاب (قرآن) کی

ہم نے بنایا ہے اس قرآن کو عربی زبان میں، تاکہ تم سمجھ سکو

اور بیشک یہ (قرآن) لوح محفوظ میں ہے ہمارے نزدیک اعلیٰ اور حکمت والا ہے

کیا ہم روک دیں تم سے اس نصیحت (یعنی قرآن) کو اسلئے کہ تم حد سے بڑھنے والے ہو

اور کتنے ہی نبی بھیجے ہم نے پہلوں میں بھی (آپ سے قبل)

اور جب بھی آیا ان کے پاس کوئی نبی (تو) انہوں نے اس کا مذاق اڑایا

تو ہم نے ہلاک کر دیا (انہیں جو) ان سے زیادہ پکڑ والے تھے، اور گزر چکی ہے مثال پہلوں کی

اور اگر آپ سوال کریں ان سے کہ کس نے پیدا کیا آسمانوں اور زمین کو؟ تو ضرور کہیں گے پیدا کیا ہے انہیں زبردست علم والے نے

(وہی اللہ ہے) جس نے بنایا تمہارے لئے زمین کو فرش (یعنی بچھونا) اور اسی نے بنائے تمہارے لئے اس میں راستے تاکہ تم راہ پاسکو

اور اسی (اللہ) نے نازل فرمایا آسمان سے پانی بقدر ضرورت، تو ہم نے زندہ کیا اس (پانی) کے ذریعے مردہ شہر کو، اسی طرح تم نکالے جاؤ گے

اور وہ جس نے پیدا کیا تمام چیزوں کو جوڑوں میں، اور بنائے تمہارے لئے کشتیاں اور جانور جن پر تم سوار ہوتے ہو

تاکہ تم سواری کرو ان (جانوروں) کی پیٹھوں پر، پھر تم یاد کرو اپنے رب کی نعمت کو جب تم سوار ہو جاؤ ان پر، اور کہو پاک ہے وہ ذات جس نے مسخر کیا (قابو میں کیا) ہمارے لئے اسے، اور نہیں ہم قابو کر سکتے تھے اسے

اور بیشک ہم اپنے رب کی طرف ہی لوٹنے والے ہیں

اور انہوں نے بنا لیا ہے اس (اللہ) کے بندوں میں سے حصہ (یعنی معبود) بیشک انسان کھلا ناشکرا ہے

کیا اللہ نے بنالی ہیں اپنی مخلوق میں سے بیٹیاں (اپنے لئے) اور چن دیا ہے تمہارے لئے بیٹے

اور جب بشارت دی جاتی ہے ان میں کسی کو (بیٹی کی) جو وہ بیان کرتا ہے مثال رحمٰن کیلئے، تو ہو جاتا ہے اس کا چہرہ سیاہ اور وہ غمگین ہو جاتا ہے

کیا جن کی پرورش زیورات میں ہوں اور وہ جھگڑے میں (بات) واضح نہ کر سکیں (وہ بیٹیاں معبود؟)

اور انہوں نے بنا دیا ہے فرشتوں کو عورتیں (اللہ کی پناہ) جو بندے ہیں رحمٰن کے، کیا یہ گواہ ہیں ان کی پیدائش کے؟ جلد لکھ لی جاتی ہے ان کی یہ گواہی (کی بات) اور ان سے سوال کیا جائے گا

اور وہ کہتے ہیں اگر چاہتا رحمٰن تو ہم ان (فرشتوں) کی عبادت نہیں کرتے، نہیں ہے انہیں اس کی کچھ خبر، وہ اپنی طرف سے گھڑتے ہیں (جھوٹ)

کیا ہم نے عطا کی انہیں کوئی کتاب اس (قرآن) سے پہلے تو وہ اسے تھامے ہوئے ہیں؟

بلکہ یہ کہتے ہیں کہ ہم نے پایا اپنے باپ دادا کو ایک طریقہ پر، اور بیشک ہم ان ہی کے پیچھے ہدایت یافتہ ہیں

اسی طرح جب بھی ہم نے بھیجا آپ سے پہلے کسی بستی میں کوئی ڈرانے والا تو کہا (وہاں کے رہنے والے) خوشحال لوگوں نے، کہ ہم نے پایا اپنے باپ دادا کو اس طریقے پر، اور بیشک ہم ان کے پیچھے مقتدی (یعنی پیروکار) ہیں

کہا (نبی نے) اگرچہ میں لایا ہوں تمہارے پاس اس سے زیادہ ہدایت کی چیز جس پر تم نے پایا اپنے اجداد کو، کہا بیشک ہم اس کے انکاری ہیں جسے دے کر تمہیں بھیجا گیا ہے

تو ہم نے انتقام لیا ان سے تو دیکھو کیسا انجام ہوا جھٹلانے والوں کا؟

اور جب کہا ابراہیم (علیہ السلام) نے اپنے ابا سے اور اپنی قوم سے بیشک میں بری ہوں ان سے جنکی تم عبادت کرتے ہو

مگر جس نے مجھے پیدا کیا بیشک وہی مجھے ہدایت دیگا

اور (اللہ نے) بنا دیا اس کلمہ (لا الہ) کو باقی اسکے بعد والوں میں تاکہ وہ بھی رجوع کریں

بلکہ میں نے فائدہ دیا انہیں اور ان کے اجداد کو حتیٰ کہ آگیا ان کے پاس حق اور کھلا رسول

اور جب آیا ان کے پاس حق (اللہ کی طرف سے) تو انہوں نے کہا یہ جادو ہے اور بیشک ہم اس کے انکاری ہیں

اور کہنے لگے، کیوں نہ نازل کیا گیا اس قرآن کو کسی بڑے آدمی پر ان دونوں بستیوں (مکہ اور طائف) میں

کیا یہ تقسیم کریں گے آپ کے رب کی رحمت (یعنی نبوت) کو ہم نے تقسیم کی ہے ان کی معیشت (یعنی روزی) دنیوی زندگی میں، اور ہم نے بلند کئے ہیں ایک کے دوسرے پر درجات، تاکہ بنائے ایک دوسرے کو سخری (یعنی خادم دنیا کے نظام چلانے کیلئے) اور آپ کے رب کی رحمت اس سے بہتر ہے جو کچھ یہ جمع کر رہے ہیں

اور اگر یہ بات نہ ہوتی کہ لوگ ایک ہی امت میں ہو جائیں گے (مال کی وجہ سے) تو یقیناً ہم بنا دیتے رحمٰن کے انکاری کے گھروں کی چھتوں کو چاندی کی، اور زینوں کو (بھی) جن پر وہ چڑھا کرتے ہیں

جن پر وہ ٹیک لگاتے ہیں

اور سونے کی (بھی چیزیں بنا دیتے) اور یہ ساری چیزیں دنیوی زندگی کا سامان ہے، اور آخرت آپ کے رب کے نزدیک متقیوں کے لئے ہے

اور جو زندگی گزارتا ہے رحمٰن کے ذکر سے غافل ہو کر ہم مقرر کرتے ہیں اس پر ایک شیطان تو وہ اس کا ساتھی ہو جاتا ہے

اور بے شک وہ (شیاطین) انہیں روکتے ہیں (میرے) راستے سے اور وہ گمان کرتے ہیں کہ ہدایت یافتہ ہیں

یہاں تک کہ جب وہ آئے گا ہمارے پاس کہے گا کاش! میرے اور تیرے درمیان مشرق و مغرب کی دوری ہو جاتی، تو کیا ہی برا ساتھی تھا (میرا شیطان)

اور ہرگز وہ نفع نہ دے گا تمہیں آج جب کہ تم نے ظلم کیا تھا بیشک تم (اور تمہارا دوست شیطان) عذاب میں شریک رہو گے

تو کیا تم سنا سکتے ہو بہرے کو، یا راہ دکھا سکتے ہو اندھے کو، اور جو کھلی گمراہی میں ہو

تو اگر ہم لے جائیں تمہیں (موت دے کر) تو بھی ہم ان سے بدلہ لینے والے ہیں (آخرت میں)

یا ہم دکھائیں گے تمہیں جو وعدہ ہم نے کیا ہے ان سے (عذاب کا) بیشک ہم ان پر قادر ہیں

تو تھام لو (قرآن کو) جو وحی کے ذریعے دیا گیا ہے تمہیں بیشک تم سیدھے راستے پر ہو

اور بیشک یہ (قرآن) نصیحت ہے تمہارے لئے، اور تمہاری قوم کیلئے اور جلد تم سے سوال کیا جائے گا

اور پوچھو! (رسولوں سے) جنہیں ہم نے بھیجا تھا تم سے پہلے کہ کیا ہم نے بنایا تھا رحمان کے علاوہ کوئی معبود جن کی عبادت کی جائے؟

اور یقیناً ہم نے بھیجا موسیٰ کو اپنی نشانیوں کے ساتھ فرعون اور اس کے سرداروں کے پاس، تو کہا بیشک میں رسول ہوں تمام جہانوں کے رب کا

تو جب وہ آئے ان کے پاس ہماری نشانیاں لے کر تو جب ہی وہ ان کا مذاق اڑانے لگے

اور جو نشانی ہم انہیں دکھاتے تھے وہ بڑی ہوتی تھی دوسری سے، اور ہم نے پکڑا انہیں عذاب میں تاکہ وہ رجوع کریں

اور انہوں نے کہا (موسیٰ سے کہ) اے جادوگر! دعا کرو ہمارے لئے اپنے رب سے (عذاب ٹالنے کی) جیسا اسکا تم سے وعدہ ہے ہم ہدایت قبول کر لیں گے

ان سے عذاب، تو جب ہی وہ توڑ دیتے (وعدہ)

اور نداء (یعنی آواز) دی فرعون نے اپنی قوم میں، اور کہا اے میری قوم! کیا نہیں ہے میرا مصر کا ملک؟ اور یہ نہریں جو بہہ رہی ہیں میرے (محلوں کے) نیچے، تو کیا تم دیکھتے نہیں؟

کیا میں بہتر نہیں اس (موسیٰ) سے جو گھٹیا ہے، اور یہ قریب بھی نہیں کہ بیان کر سکے (بات کو اچھی طرح)

تو کیوں نہیں ڈالے گئے اس پر سونے کے کنگن، یا (کیوں نہیں) آئے اس کے ساتھ فرشتے پر باندھ کر (صف بصف)

تو (فرعون نے) خوف دلایا اپنی قوم کو، تو انہوں نے اطاعت کر لی اسکی، بیشک وہ فاسق قوم تھی

تو جب انہوں نے غصہ دلایا ہمیں ہم نے انتقام لیا ان سے، تو ہم نے غرق کر دیا ان سب کو

تو بنا دیا ہم نے انہیں گزرا ہوا، اور مثال بنادی پچھلوں کے لئے

اور جب بیان کی جاتی ہے (عیسیٰ) ابن مریم کی مثال جب تمہاری قوم اس (خوشی) کیوجہ سے چیخنے لگتی ہے

اور کہتے ہیں کیا ہمارے معبود بہتر ہیں یا وہ (عیسیٰ) نہیں بیان کرتے ہیں (یہ بات) تم سے مگر جھگڑنے کیلئے، بلکہ یہ لوگ ہیں ہی جھگڑالو

(عیسیٰ تو) صرف بندہ ہے انعام کیا ہے ہم نے اس پر اور ہم نے بنایا ہے اسے مثال بنی اسرائیل کے لئے

اور اگر ہم چاہتے تو یقیناً بنا دیتے تمہاری جگہ فرشتے زمین میں اور وہی خلافت کرتے (زمین میں)

اور بیشک (عیسیٰ) علامت ہے قیامت کیلئے تو تم ہرگز شک نہ کرو اس (قیامت) میں اور میری اتباع کرو، یہی سیدھا راستہ ہے

اور ہرگز نہ روکے تمہیں شیطان، بیشک وہ تمہارا کھلا دشمن ہے

اور جب آئے عیسیٰ (علیہ السلام) معجزے لے کر تو کہا میں لے کے آیا ہوں تمہارے پاس حکمت اور تاکہ میں بیان کر دوں تمہارے لئے بعض (توریت کے احکام) جس میں تم اختلاف کرتے ہو، تو تم ڈرو اللہ سے اور میری اطاعت کرو

بیشک اللہ میرا اور تمہارا رب ہے، تو تم اسی کی عبادت کرو، یہی سیدھا راستہ ہے

تو اختلاف کیا (بنی اسرائیل کی) جماعتوں نے آپس میں، تو تباہی ہو گی ظالموں کے لئے دردناک دن کے عذاب سے

یہ (قیامت اور آخرت کے انکاری) انتظار کر رہے ہیں قیامت کا کہ آجائے ان پر اچانک اور وہ (اس وقت) سمجھ بھی نہ سکیں گے

دوست اس (قیامت کے) دن ایک دوسرے کے دشمن ہو جائیں گے سوائے متقیوں کے

اے میرے بندو! (اگر تم متقی اور پرہیزگار ہو تو) نہ کوئی خوف ہو گا تم پر آج اور نہ تم غمگین ہو گے

جو ہماری آیتوں پر ایمان لائے اور مسلمان بھی تھے

(تو ان سے کہا جائے گا) داخل ہو جاؤ جنت میں تم اور تمہاری بیویاں اور خوشیاں مناؤ

پھیری جائیں گی ان کے سامنے پلیٹیں سونے کی اور پیالیاں، اور اس میں وہ ہو گا جو ان کا دل چاہے اور جن سے ان کی آنکھوں کو لذت ہو (سب وہاں ہو گا) اور تم اس میں ہمیشہ رہو گے

یہی وہ جنت ہے جس کے تم وارث بنائے جاؤ گے بسبب تمہارے اعمال کے (جو دنیا میں کئے)

تمہارے لئے اس میں بکثرت میوے ہوں گے جنہیں تم کھاؤ گے

(اور پھر وہاں جو مجرمین ہوں گے تو) بیشک مجرمین جہنم کے عذاب میں ہمیشہ رہیں گے

نہ ہلکا کیا جائے گا ان سے عذاب اور وہ اسی میں مایوس پڑے رہیں گے

اور نہیں کیا ہم نے ان (ظالموں) پر ظلم بلکہ یہ خود ہی ظالم تھے

اور وہ پکاریں گے (داروغہ کو) اے مالک! تیرا رب ہمارا کام تمام کر دے (موت سے) کہے گا تم کو ٹھہرنا ہے (یہیں)

یقیناً ہم (فرشتے) آئے تھے تمہارے پاس حق لے کر، اور لیکن تم میں اکثر حق کے انکاری تھے

انہوں نے ٹھان لیا تھا ایک امر (سازش کا) تو بیشک ہم نے بھی ٹھان لیا ہے (عذاب)

کیا ان کا گمان ہے کہ ہم نہیں سنتے ہیں ان کی چھپی باتوں کو اور ان کی کانا پھوسی کو، کیوں نہیں ہمارے فرشتے ان کے پاس ہی لکھ رہے ہیں

آپ کہہ دیجئے! کہ اگر رحمٰن کی اولاد ہو تی، تو میں پہلا عبادت کرنے والا ہوتا

پاک ہے وہ جو رب ہے آسمانوں اور زمین اور عرش کا اس سے جو کچھ یہ بیان کر رہے ہیں

تم چھوڑ دو انہیں وہ بحث کرتے رہیں اور کھیل کرتے رہیں یہاں تک کہ جاملیں اپنے اس دن سے جس کا ان سے وعدہ کیا جا رہا ہے

اور وہی آسمانوں میں معبود ہے اور زمین میں بھی وہی معبود ہے، اور وہ جانکار حکمت والا ہے

اور برکت والا ہے وہ جس کی بادشاہت ہے آسمانوں اور زمین اور ان دونوں کے درمیان کی اور قیامت کا علم بھی اسی کے پاس ہے اور اسی کی طرف تم لوٹائے جاؤ گے

اور نہیں ہیں وہ مالک جنہیں یہ اللہ کے سوا پکارتے ہیں شفاعت کا، مگر (ہاں) وہ جو شہادت دیں حق کی اور وہ عمل بھی کرتے ہوں

اور اگر سوال کرو ان سے کس نے پیدا کیا ہے انہیں تو یقیناً کہیں گے اللہ نے پھر وہ کہاں بہک رہے ہیں

اور قسم ہے (رسولؐ کے) اس کہنے کی (کہ) اے میرے رب! بیشک یہ لوگ ایمان نہیں لائیں گے

تو تم ان سے منہ پھیر لو (قیامت تک کیلئے) اور کہہ دو سلام، عنقریب وہ جان لیں گے